சாதியின் பெயரால் இன்னொரு உயிரை இழக்க வேண்டாம்

சாதி வெறிபுடிச்ச திருட்டு தே..... பயலுவளா, அநியாயமா வாழ வேண்டிய ஒரு வாலிபனின் உயிரையும் அவன் காதலையும் பறிச்சிட்டீங்களே. உங்களையெல்லாம் சாணிய கரைச்சி செருப்பால் அடிச்சாலும் தப்பில்லடா.

இனிமே இணையத்துல வன்னியன், தேவன், கவுண்டன், நாடார்னு எவனாவது வந்தான். .....ம்மால உனக்கு முதல் செருப்படி என்னிடமிருந்துதான். சாதி, மதவெறி புடிச்ச மொண்ண நாய்களா ப்ப்பீத்துண்ண போங்கடா.

இளவரசன் மரணம் குறித்த செய்தியைப் படித்தவுடன் எனக்கு ஏற்பட்ட உடனடி உணர்வின் காரணமாக முகநூலில் பகிர்ந்தது இது.

இப்பொழுது விலாவரியாக யோசித்துப் பார்க்கிறேன். இந்த சம்பவங்களுக்கு நாமும் ஒரு வகையில் காரணம். எல்லோருக்கும் ஒரு விதத்தில் சாதிக்காரன் என்ற எண்ணம் ஏதோ ஒரு சமயத்தில் ஏற்படுவதுண்டு. எனக்கு கூட சில சம்பவங்களில் இது போல் ஏற்பட்டு இருக்கிறது.

நான் இதற்கு முன்பு பணிபுரிந்த நிறுவனத்தில் வேலைக்கு வரும் விண்ணப்பங்களில் எனது சாதி இருந்தால் அதற்கு நான் முன்னுரிமை கொடுத்து இருக்கிறேன். வெளி மாநிலங்களில் ஏதாவது ஓரு தமிழரை சந்திக்க நேரும் போது அவரை எந்த மாவட்டத்துக்காரர் என்று விசாரிக்கும் போது அவர் தஞ்சாவூர், மதுரை, ராமநாதபுரம் தேனி என அறிய நேர்ந்தால் நீங்கள் இந்த சாதிக்காரரா என வினவுவதுண்டு.

இன்று அதெல்லாம் யோசித்துப் பார்த்தால் எனக்கே என்னை அசிங்கமாக தெரிகிறது. நல்லவேளை என் சாதிப்பற்று அத்துடன் முடிந்து விட்டது.

நான் காதல் திருமணம் செய்தவன். என் மனைவி என் சாதியோ, என் மொழியோ, என் மாநிலமோ கிடையாது. எந்த சூழ்நிலையிலும் சாதி முன்னுக்கு வரவேயில்லை. என் அப்பாவும் அம்மாவும் கூட எங்கள் காதலை அங்கீகரித்து முன்னின்று பத்துபைசா வரதட்சணை வாங்காமல் திருமணம் செய்து வைத்தார்கள்.

என் தம்பி கூட அப்படித்தான் திருமணம் செய்துக் கொண்டான். இதற்கே அவனை நினைத்து எனக்கு பெருமிதம் தான்.

சாதி மறுப்பு வேண்டும் என்று கூறும் நபர்கள் முதலில் தங்களை சுயபரிசோதனை செய்து கொள்ள வேண்டும். எந்த புரட்சியும் முதலில் தன்னிடம் இருந்து தான் துவங்க வேண்டும். இங்கு ஊடகங்களில் முன்னிறுத்தப்படும் சாதி அரசியலில் ஒரு ஆதாயம் மட்டுமே காரணமாக இருக்கிறது.

போதுமடா, இளவரசனின் மரணத்திற்கு பிறகாவது பொதுவில் சாதி அரசியல் பேசப்படுவது தவிர்க்கப்பட வேண்டும். மனிதாபிமானத்திற்கு முன் சாதியும் மதமும் மண்டியிட்டு தான் இருக்க வேண்டும்.

சாதி, மதம் சார்ந்த எந்த இயக்கத்திற்கும் கட்சிக்கும் நாம் ஆதரவளிக்கக்கூடாது. எந்த கடவுளும் மனிதனுக்கு மிஞ்சியது கிடையாது. படித்தவர்கள் ஆகிய நாம் தான் பகுத்தறிந்து இது போன்ற விஷக்கிருமிகளை புறக்கணிக்க வேண்டும்.

இவர்கள் கட்சியும் இயக்கமும் நடத்துவது அவர்கள் வளரத்தானே தவிர நமக்கு பிரயோஜனமாக எதுவும் செய்வதற்கு இல்லை. என்றுமே நான் அரசியல் பதிவுகள் எழுதுவது இல்லை. இல்லை ஆனால் இது போன்ற சம்பவங்கள் தான் எழுத தூண்டுகின்றன.

என் சாதியையும் என் மதத்தையும் நான் துறந்து விட்டேன். இனிவரும் காலங்களிலும் என் சந்ததிகள் எந்த சூழ்நிலையிலும் சாதி சார்ந்து இருக்க மாட்டார்கள். நான் துவங்கி விட்டேன். எனக்கு பிறகு என் தம்பியும் கூட.

நீங்கள் எப்போது துவங்கப் போகிறீர்கள் மனிதர்களே.

ஆரூர் மூனா செந்தில்